che3er

مازال نجع البادية يتسمى وأهل البَّادِي إلّي ينسبوا لورغمة


هلي عليه النِّسْ طول حياتي نسانيش ولاّ يذوق في لعاتي 
(نص شهيدي)

 

هناك عبد نقضلي عقاب جروحي ملك الموت حدّرلي قبضلي روحي (نص دبابي)


يا قلب كندر كان فيك مَّاجَعْ الناس ماشيه القُدّام وانتَ راجع 
(نص دغاري)

 

 

 

حبيب خاطري نفنف عليه القبلي ياريتني قيطون فوقه مِبني

 

يا فاطمة ما دام عيني حيّه نتفكرك والنار تشعل فيَّ
يا طير بلغ سلامي ليها سلام خاص للي خاطري شاهيها
نِرْقب على الشراف ماني صابر فراق ولفتي مُرار غير مْكابر

 

 

 

 

مازلت باطي ومازال ريحي ما بغاش يواتي 

ومازال بيدي الحلّ 
ومازلت كل اللي يربطوه انحلّ
ومازلت زي الصقر كيف انطلّ
لين تنكسر تركع عيون الواطي 
ومازال صوتي كي فحل البلّ
يهدر يعاند قوّة الشوّاطي
مازال بيدي الحلّ
ويا صاحبي حيران ما تقدر تطول فحل
غير تو تمشي بالقفا الأوقاتي
ويمكن تشوف الفار هاجم صل 
والجيد باسم اللايشين يهاتي 
ويا صاحبي شقلب كيان الكلّ
نخاف نتكلم تنجرح لهاتي 
وبيغاذ يطفح فاض كان انزّل 
قادر يسويها جبل وشاطي
وزيّك سكني في الجواجي غلّ
والغل يسكن كان راجل عاتي 
باقي العلوجة الساكنه في الظلّ
كلاب ضالّه تدغر على الملفاتي 
ومازلت باطي

 

 

 


حنى زوز وانتم زوز    وقولوا كلام النحو كان تقدّوا
-       استحفظ على عرضك وسرك دسّهْ     راهو عدوك لسانك
كون ذيب ديما واقفات أوذانك    وديما الصروف يكون في ميزانك
 


أمثلة من مدونة "النصوص" الشعرية:
-       يعطيك الغلا يا وطنّا ما عزك    صبتك عصاتي وين نمشي نهزك
-       مازال نجع البادية يتسمى          وأهل البَّادِي إلّي ينسبوا لورغمة
-       هلي عليه النِّسْ طول حياتي     نسانيش ولاّ يذوق في لعاتي (نص شهيدي)
-       يا قلب كندر كان فيك مَّاجَعْ    الناس ماشيه القُدّام وانتَ راجع (نص دغاري)
-       هناك عبد نقضلي عقاب جروحي   ملك الموت حدّرلي قبضلي روحي (نص دبابي)
"نصوص" موضوعة ومغناة من قبل النساء:
-       هزيت راسي على المخدّة وقمته     فراقك وطول الليل ما نجمته
-       سيدي عطاني لا شبح لا حكّر      عقاب ملح يِحسباه قوالب سكر
-       سيدك حلف في كلمته ما يولّي      هو عطاك موحال بيه تخلي
-       قلب الرحى يرقل وقلبي زيّ         ومهبول من ياخذ من غير بغيّه
-       يا نفس هلي تباتي تكدري         جاك شيّ وإنت غافلة ما تدري
-       حبيب خاطري نفنف عليه القبلي   ياريتني قيطون فوقه مِبني
-       راح مرْودك يا عين قلّت كحلك      ايغيب عليك سنين وروّحلك
-       مْازيب في راسي تقوّى ماهم        علناس بعد العزّ فارقناهم
-       يا طايره لفرانسا هزيني           نقصّر معاه الليل وترديني
-       كان نكمّشه البصبور بين أيدي   نرميه في سمور ناره حيّه
-       نفسي شهت الموت بنعزيها         حياه ممرمدة ما عاد عيني فيها
-       يا قلب ما لقيت ما نتفكر      كان ملحفة زرقة وكاغط سكر  
-       ما دام سيدي حيّ وأمي حيه        نُخْطُم على العُدوات زي البيّه
-       يا عين كوني لِدْرَكْ صباره         وبْكاك علّي نساك غير خساره
-       لاه يا حبيبي تخوني وتغدرني      تصرخ عليّ قبل ما تنذرني
-       حبيب لاه بعد المعرفة يتبرّى      وفي القلب عقّبلي غصايص مُرّه
-       أني نصبلك باللوح وانت سربي        ومولاك للضيفان واقف حربي
-       طحين الرحى ما نحبّه                منوّض عليّ وجاعي
-       حستي مريضة والرحى كادتني       أمي بعيدة وجارتي ما جِتْنِي
-       خفّي عليّ يا رحى وارتاحي        يكبر الغالي يجيبلك درجاحي
-       خفي عليّ يا رحاة الغالي          القطبة ذهب والتارشة فلالي
-       إذا كان في القلب تو نديره        ننسج ونخفض تتقلع هلحيرة
رُبّاج للبنات:
-       اللاهم اللاهم                     يا علتهم وشقاهم
منها الزين إلّي جاهم              داير حيرة لنساهم
رُبّاج للأولاد:
-       ها لالي ها لالي    ها سلّم ولدي الغالي
انشاء الله يعيش ويكبرلي   ويمشي لفرنسا ويجي
"بُراش": أو في التعبير عن السعادة والفرح
-       يا ريم ريما       قومي ألعبي هيا
سردوك يذن فوق   فوق العلالي فوق
ها سمحة البخنوق  قومي ألعبي هيا
نصوص موضوعة ومغناة من قبل الرجال:
-       نَنْساك نلقى داك فِيَّ ساكن      سبق شدّ في المكنون دار تراكن
-       حبي وحبك سيف ما يقطعهم    عروق نجم شمّوا النز في نقعهم
-       عيون سود فوق اخدود مضحك جالي  طبق مشرقي مطروز بالفيلالي
-       شعَرْ ولفتي محدّر مع المردومة    زي الحوازة مَيلة ومخدومة
-       يا فاطمة ما دام عيني حيّه        نتفكرك والنار تشعل فيَّ
-       يا طير بلغ سلامي ليها           سلام خاص للي خاطري شاهيها
-       نِرْقب على الشراف ماني صابر   فراق ولفتي مُرار غير مْكابر
-       اليوم ست سنين علفتحية         منين ريتها شعلت وقيده فيّ
-       منين عيط البابور وفيه مشينا      هست عليّ الوالدة وإبكينا
-       بهناك يا باريز هاني عازم        المِرْواح لبلادي عليّ لازم
-       افتلناك زي الحبل وأنقضّيتي      ودِرْتِ معارف بعدنا وأنسيتي
-       عندي حمامة مرُبيّة في وكري    دبّر عليها الغير طارت بكري
-       بالصلاة عالهادي اليوم بدينا      حرثنا وزرعنا وحصدنا يزْينَا
-       يا مدرجحه لغصان يا زيتونه      يا مخلّصه إلي فُجرت مرهونه
محاجه:
 غناء الجز:
-       الكبش لدرع بوزليمات   بابا الفطيمات  يبغي بسيسة وتمرات
غناء سقاية الإبل:
-       يا عوجة السيقان يا مداده       يا يسعد من ربيّ عليك أولاده
-       آهاهم آهاهم
نبدو باسم الله آهاهم
هو المعبود آهاهم
يبارك في الغلة آهاهم
بالخير يجود آهاهم

"نصوص" الحكم والمواعظ:   
-       حنى زوز وانتم زوز    وقولوا كلام النحو كان تقدّوا
-       استحفظ على عرضك وسرك دسّهْ     راهو عدوك لسانك
كون ذيب ديما واقفات أوذانك    وديما الصروف يكون في ميزانك

"نصوص" تُردّد بمناسبة احتفالات الزواج
حنّة العروس:
-       شجرة نابته في الكافيه      صلوا على النبي يا ناس
شجرة نابته في الجنة      صلوا على نبيكم جملة
-       مدي يدّك لحنانيك  وارخي الصوابع  يم الخواتم بالطابع  حاضر محمد
-       مدي يدك للحنة   وارخي ليدَيَّ  يم لخواتم ذهبية  حاضر محمد
-       مدي يدك لحنانيك      إنشاء الله يخدمك بدْريك
-       هذا النهار إلّي نبغيه    والقلب شاهيه   يجعل محمد حاضر فيه
حنّة العريس:
-       ليله سعيدة علعروس وخوته     وفي وسط بيته شع على الياقوته
-       يا زين نقش الحنّه وفيد لُخَيْ    يجعل فرحه دايم وبِكْرَهْ صبَيْ
-       يا زين نقش الحنة وفيد بوبشير  يحعل فرحه دايم وعقبه غدير
-       يا ناس صلوا عنّبي والساده      علقد حصحاص الجبل ورشاده
-       صلوا على محمد يا من حضر   يجعل صباح الغالي صباح البشر
الكسوة:
-       ها كسوة لمّاع سْواره             والغالي يهَدّي نهاره
-       مبروك يا غالي عليك الكسوة    بسلامته باباك قاعدلك رسوه
-       مبروك يا خويا عليك البيّة     حاجبين والثالث عليها هيَّ
-       قومي أقبلي العُلاّقة            وخيّك حالف بطلاقه
المحفل والجحفة:
-       ريحة سخاب المسميّة  يوم العشيّة   حانوت حلُّوا عطرية  حاضر محمد
-       ريحة سخاب الحنانة   كاحل عيانه  حانوت حلوا بيبانه   حاضر محمد
-       قالت أمك يا بنتي يا سِمْحِتْ القد    يا مونْستني في المرقدْ  حاضر محمد
-       قالت أمك يابنتي  عني مشيتي      في البيت مِنْهُ خليتي  حاضر محمد
-       ما تبكيش يا حنّانه                مكتوبك قريب حذانا
-       ما تبكيش بكيتينا                  ما تبكيش برِّي زينه
-       قولوا لسيدها يركب ويسير         بنته خارجه فوق الحصير
-       قَادِكْ خوك بالمطلوق             يمشي وضايقات خلوقه
-       قالت أمك  يا سعدي  ما أبرك نهاري    جِبْتْ من عمَّر داري  حاضر محمد.
* اهتمت بجمع هذه "النصوص" الشعرية ودراستها اتنولوجيا وموسيقيا أحلام مرابط ضمن  أطروحتها:

Ahlem Mrabet , Le « Naç » une tradition musicale de Tataouine (Tunisie), thèse soutenue devant l’université René Descartes-Paris V. Sous la direction de Frank Alvarez Pereyre.  Année universitaire 2012 - 2013.